شاركنا في بيعك

           ( شاركنا في بيعك )


في ليله وقفنا وقـــال الرئيـــــــــس

بعت الزريبه وبـــاقي المعــــــــيـز

وبكره يبعكم ابني العزيــــــــــــــز


ويورث مكـــاني ويبقى الرئيــــس

**********************


سمعك يا بلدي تقولي الحقونـــــــا


باعوكي يا غاليه وبكره يبعونــــا

باعوكي يا امي وهان العزيــــــز

دا شعبك يا مصر يحيّر يغيـــــظ


**********************

الشعب اللي عاشها بعزه وكرامـــه


يرضى اخرها بذل ومهــــــــــــانه


يرضى يعشها واطي ورخيــــــص


دا شعبك يا مصر يحيّر يغيــــــــظ


**********************

شاركنا في بيعك بصمت وسكـــوت

وقولنا في ليله مسيره يمــــــــــوت

وتنظف بلدنا جالنا الوريـــــــــــث

دا شعبك يا مصر يحيّر يغيــــــظ

**********************

هقولها هغني هلف بربـــــــــــابه

وقعنا يا بلدي في شلة ديــــــــابه

حكومه ومجلس وشرطه ورئيس

دا شعبك يا مصر يحيّر يغيــــظ


********************

الشعب اللي عاشها بعزه وكرامه


يرضى اخرها بذل ومهـــــــــانه

يرضى يعشها واطي ورخيــــــص


دا شعبك يا مصر يحيّر يغيــــظ

دا شعبك يا مصر يحيّر يغيـــظ